|
DE LIBRO CVM MVTV- |
aretur, Impresso, Domi à pueris fru- |
stratim lacerato, & post reddito |
Manuscripto. |
Doctissimo Amicissimoque v. |
D.D. Andrews. |
|
Parturiunt madido quæ nixu præla, recepta; |
Sed quæ scripta manu sunt, veneranda magis. |
Transiit in Sequanam Mœnus; Victoris in ædes, |
Et Francofurtum, te revehente meat. |
Qui liber in pluteos, blattis, cinerique relictos, |
Si modo sit præli sanguine tinctus, abit, |
Accedat calamo scriptus, reverenter habetur, |
Involat & veterum scrinia summa Patrum. |
Dicat Apollo modum; Pueros infundere libro |
Nempe vetustatem canitiemque novo. |
Nil mirum, medico pueros de semine natos, |
Hæc nova fata libro posse dedisse novo. |
Si veterem faciunt pueri, qui nuperus, Annon |
Ipse Pater, Iuvenem, me dabit arte, senem? |
Hei miseris senibus; nos vertit dura senectus |
Omnes in pueros, neminem at in Iuvenem. |
Hoc tibi servasti præstandum, Antique Dierum, |
Quo viso, & vivit, & juvenescit Adam. |
Interea, Infirmæ fallamus tædia vitæ, |
Libris, & Cœlorum æmulâ amicitiâ. |
Hos inter, qui à te mihi redditus, iste libellus, |
Non mihi tam charus, tam meus, ante fuit.
|
[CW:To] |
I.D. |